Qatar Davlatining O‘zbekiston Respublikasidagi Favqulodda va Muxtor Elchisi bilan uchrashuv

Uchrashuv davomida O‘zbekiston va Qatar o‘rtasida adliya va huquq sohasidagi hamkorlikning bugungi holati va istiqbollari muhokama qilindi.

Uchrashuvda ikki davlat o‘rtasidagi huquqiy hamkorlik 2010-yilda imzolangan O‘zbekiston Respublikasi Hukumati bilan Qatar Davlati Hukumati o‘rtasida huquqiy sohada hamkorlik qilish to‘g‘risidagi Bitim asosida izchil rivojlanib borayotgani qayd etildi.

Adliya vaziri Akbar Tashkulov xalqaro arbitraj, mediatsiya va nizolarni muqobil hal etish mexanizmlarini rivojlantirish, shuningdek, yuridik kadrlar tayyorlash va ilmiy-akademik hamkorlikni kengaytirish bo‘yicha takliflarni ilgari surdi.

Shu bilan birga, Akbar Tashkulov Qatar Davlati Adliya vaziri hamda Elchi Hasan Hamza Asad Muhammad Hoshimni 2027-yilda Toshkent shahrida o‘tkaziladigan V “Tashkent Law Spring” xalqaro yuridik forumida ishtirok etishga taklif etdi.

Uchrashuv do‘stona va konstruktiv ruhda o‘tdi. Tomonlar adliya va huquq sohasidagi o‘zaro manfaatli hamkorlikni yanada rivojlantirishga tayyor ekanliklarini tasdiqladilar.