Bu natija bilan TDIU respublika miqyosida faxrli 4-o‘rinni qayd etdi. Shuningdek, universitetning “Menejment” ta'lim yo'nalishi AQSHning “Biznes maktablar va dasturlar akkreditatsiya konsulligi” (ACBSP) tomonidan xalqaro akkreditatsiyadan muvaffaqiyatli o‘tkazildi. Bu orqali TDIU Markaziy Osiyo oliy ta‘lim muassasalari orasida birinchi bo‘lib ACBSP xalqaro akkreditatsiyasini qo‘lga kiritgan oliy ta'lim muassasasiga aylandi.

Shu munosabat bilan TDIUda sertifikatlarni topshirish marosimi bo‘lib o‘tdi. Unda O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi direktori Adxam Xudoyqulov, Oliy ta’lim, fan va innovatsiyalar vaziri Qo‘ng‘irotboy Sharipov, TDIU rektori To‘lqin Teshabayev va universitet jamoasi ishtirok etdi. 

Tadbirda vazir Qo‘ng‘irotboy Sharipov so‘zga chiqib, universitet jamoasini xalqaro yutuqlari bilan qutlab, ushbu natijalarning ortida professor-o‘qituvchilar jamoasining fidokorona mehnati, zamonaviy o‘quv dasturlari joriy etilgani, ilm-fan va innovatsiyalarni uzviy uyg‘unlashtirishga qaratilgan izchil sa’y-harakatlar turganini alohida e’tirof etdi.. 

Shuningdek, TDIU QS xalqaro reytingida “Bitiruvchilarning muvaffaqiyatli ishga joylashishi” indikatori bo‘yicha 660-o‘rinni, “QS by Subject” — Iqtisodiyot va ekonometrika fanlari bo‘yicha 401–450-o‘rinni, “QS Sustainability Rankings” — Boshqaruv sifati indikatori bo‘yicha 440-o‘rinni egallashga muvaffaq bo‘lgani qayt etildi. 

Tadbir doirasida AQSHning “Biznes maktablar va dasturlar akkreditatsiya konsulligi” (ACBSP) tomonidan “Menejment” yo‘nalishi uchun xalqaro akkreditatsiya sertifikati ham tantanali ravishda topshirildi. 

Universitetning “Menejment” yo‘nalishi ACBSP akkreditatsiyasini qo‘lga kiritgani — mazkur yo‘nalishda tahsil olayotgan talabalar uchun nafaqat milliy, balki xalqaro maydonda ham yangi imkoniyat eshiklarini ochuvchi muhim bosqich bo‘lib xizmat qilishi ta'kidlandi.