Tadbirkorlikni qo‘llab-quvvatlash hamisha dolzarb vazifa hisoblangan
2025-05-22 17:30:00 / Rahbariyatning bayonotlari va nutqlari
Ta’kidlash joizki, kichik va o‘rta biznes yurtimizda ish o‘rni, investitsiya, innovatsiya, raqobat, qo‘shilgan qiymat va eksportni ko‘paytirishga eng katta turtki berayotgan yo‘nalish hisoblanadi. Shu bois mazkur yo‘nalishda faoliyat yuritayotgan ishbilarmonlar safini yanada kengaytirish, faoliyatlarini rivojlantirishda biznes vakillarining mavjud muammo va takliflarini o‘rganish hamda ularga yechim topish muhim ahamiyatga ega.
Bugun, Andijon shahrida Soliq qo’mitasi raisi o’rinbosari Ulug’bek Sadullayev kichik va o’rta biznes vakillari bilan uchrashib, ularning mamlakat iqtisodiy rivojidagi muhim o‘rni, tadbirkorlikni qo‘llab-quvvatlash borasida amalga oshirilayotgan izchil islohotlar to‘g‘risida so‘z yuritdi.
Ochiq muloqot tarzida o‘tkazilgan uchrashuvda tadbirkorlarni qiziqtirgan masalalar, ular faoliyatlarida duch kelayotgan muammolar tinglandi hamda ijobiy hal etish yuzasidan mas’ullarga topshiriqlar berildi.