Keyingi jıllarda elimizde barlıq tarawlar menen tarmaqlar qatarında awıl xojalıǵında da túpkilikli reformalar ámelge asırılmaqta. Bul processte insan qádiri menen máplerin támiyinlew áhmietli wazıypa sıpatında birinshi orınǵa qoyılmaqta.

Bul haqqında sóz etkende, masaqlı dán jetistiriw hám satıp alıwdıń jańa sisteması engizilip, diyqanlarımızdıń qoymaları dánge, ruwzıgershiligi qut-bereketke tolıp atırǵanı agrar tarawdı qarjılay qollap-quwatlaw maqsetinde xalıqaralıq jeńillikli kreditler ajıratılǵanı, ónim jetistiriw, suwǵarıw, tuqım hám nál satıp alıwǵa baylanıslı qárejetler subsidiyanıń esabınan qaplap berilip atırǵanın atap ótiw kerek.

Ózbek paxtasına engizilgen boykot biykar etilip, toqımashılıq tarawında iri brendler mámleketimizdiń paxta bazarına qaytpaqta.

Ózbekstan Respublikası Prezidentiniń 2019 jıl 23-oktyabrdagi PF-5853-san pərmanı menen Ózbekstan Respublikası awıl xojalıǵın rawajlandırıwdıń 2020 - 2030 jıllarǵa arnalǵan strategiyası tastıyıqlandi.

2025 jıl 3 fevralda Ózbekstan Respublikasınıń “Azıq-awqat qawipsizligi tuwrısında”gi O'RQ-1023-san Nızamı qabıllandı.

 

Insaniyat rawajlanıwdıń eń joqarı shıńina shıqqan XXI ásirde suwǵa bolǵan mútajlik turaqlı artıp barıp atır. Usınıń menen birge, Oraylıq Aziya regionindegi barlıq respublikalardıń suw jolları da, suw resurslarıda bir-biri menen bekkem baylanısqan.

Oraylıq Aziya mámleketleri basshılarınıń konferenciyalarında, sonıń menen birge, Ózbekstan Prezidentiniń qońsılas mámleketliklerge saparlarında transshegaralı suw resurslarınan sheriklikte aqılǵa say paydalanıw máseleleri joqarı dárejede kórip shıǵılıp, uzaq múddetli sheshimin kutip atırǵan máseleler sheshilip atır.

Usı waqıtta Ózbekstan Oraylıq Aziya mámleketleri menen suw máseleleri boyınsha da kóp tárepleme dárejede - Araldı qutqarıw xalıq aralıq qorı hám mámleketler ara muwapıqlastırıwshı suw komissiyası sheńberinde de, óz-ara dárejede - suw resursları máseleleri boyınsha sheriklikti izbe-iz rawajlandırmaqta. Suw resurslarınan paydalanıw boyınsha húkimetler ara jumısshı toparlardıń tiykarları. Sońǵı jıllarda Kazaxstan, Tadjikistan, Qırǵızstan Respublikası hám Turkmenistan menen óz-ara birge islesiw hám erisilgen kelisimler nátiyjesinde Sırdárya hám Amudarya háwizleriniń suw támiynatın jaqsılawda tabıslarǵa erisildi.

Usınıń menen birge, Ózbekstan Oraylıq Aziya mámleketleri arasında suw deficitligin kemeytiw maqsetinde suwdı únemlewshi texnologiyalardı engiziw hám suw xojalıǵında zamanagóy texnologiyalardan paydalanıw múmkinshiliklerin keńeytiw iniciativası menen shıǵıp atır.

Jer hám suw resurslarınan paydalanıw natiyjeliligin, turaqlı suw resurslarınan paydalanıw nátiyjeliligin asırıw maqsetinde Ózbekstan Respublikasında suw resursların basqarıw hám irrigaciya sektorın rawajlandırıwdıń 2021 — 2023 jıllarǵa mólsherlengen strategiyası hám de Ózbekstan Respublikası suw xojalıǵın rawajlandırıwdıń 2020 — 2030 jıllarǵa mólsherlengen koncepciyası tastıyıqlandi. Ózbekstan xalqın hám ekonomikanıń barlıq tarmaqların támiyinlew, suwǵarılatuǵın jerlerdiń meliorativ jaǵdayın jaqsılaw, suw xojalıǵına bazar principleri hám mexanizmleri hám de cifrlı texnologiyalardı keń engiziw, suw xojalıǵı obektleriniń isenimli islewin támiyinlew.

Ózbekstanda suw, suw ob'ektleri, suw xojalıǵı imaratları hám suw fondı jerlerinen aqılǵa say paydalanıw hám de olardı qorǵaw salasındaǵı qatnaslardı tártipke soluvchi Suw kodeksi tastıyıqlandi.