Keyingi jıllarda Ózbekstanda hár bir puqara ushın joqarı sapalı hám qánigeli medicinalıq xızmet sistemasın jaratıw áhmietli wazıypa sıpatında belgilenip, bul baǵdarda  keń kólemli reformalar ámelge asırılıp atırǵanı sizlerge jaqsı belgili.

Ózbekstan Respublikası Prezidentiniń 2018 jıl 7 dekabrdegi “ Ózbekstan Respublikası den sawlıqtı saqlaw sistemasın tupten jetilistiriw boyınsha kompleks ilajlar tuwrısında”gi PF-5590 -san pərmanı menen 2019 - 2025 jıllarda Ózbekstan Respublikasınıń den sawlıqtı saqlaw sistemasın rawajlandırıw koncepciyası tastıyıqlandi.

Ózbekstan Respublikası Prezidentiniń 2022 jıl 25 apreldegi “2022 - 2026 jıllarda analıq həm balalıqtı qorǵawdı kúsheytiw tuwrısında”gi PQ-216 -san qararı menen 2022 - 2026 jıllarda analıq həm balalıqtı qorǵawdı kúsheytiw boyınsha is-ilajlar jobası tastıyıqlanǵan.

Ózbekstan Respublikası Prezidentiniń 2024 jıl 22 yanvardaǵı “Den sawlıqtı saqlaw salasında reformalardı tereńlestiriw boyınsha qosımsha ilajlar tuwralı” PQ-38-san qararı menen Densawlıqtı saqlaw sistemasın jetilistiriwdiń ústin turatuǵın baǵdarların əmelge asırıw boyınsha “JOL KARTASÍ” tastıyıqlanǵan.

2022-jılı orınlarda 100 den aslam shańaraqlıq shıpakerlik punkti, poliklinikalarda jáne shetki aymaqlarda 1000 nan aslam máhálle medicina punktleri shólkemlestirildi. Nátiyjede qosımsha túrde 3,5 million xalıqtı baslanǵısh medicinalıq xızmet penen qamtıp aıwǵa erisildi.

Shańaraqlıq shıpakerler tárepinen xalıqqa biypul tarqatılatuǵın 70 túrdegi dári-dármaqlar ushın qarjılar kólemi ótken jılǵa salıstırǵanda 3 esege  kóbeytildi. Baslanǵısh medicina mákemeleri zamanagóy ultrases, elektrokardiogramma úskeneleri, stomatologiyalıq hám xirurgiyalıq toplamlar menen úskenelenbekte.

Shańaraqlıq poliklinikalarda kúndizgi emlew orınlarınıń shólkemlestiriliwi nátiyjesinde 740 mıń adam emlewxanaǵa barmay, tikkeley ózi jasaytuǵın mákanda emleniw imkaniyatına ie boldı.

Mámleketimizde jeke menshik medicina mákemelerin rawajlandırıw maqsetinde bul klinikalarǵa salıq hám bajıxana jeńillikleri berilip, májbúriy turistlik jıyımlar biykar etildi jáne mámleketlik qarjılar esabınan medicinalıq xızmet kórsetiwge ruxsat etildi.

Salamatlıq saqshılarınıń awır hám juwapkershilikli miynetin múnásip qádirlew, olardıń óziniń kásibinen mápdarlıǵın arttırıw máselesi de mámleketimizdiń turaqlı dıqqat orayında tur.

Taraw xızmetkerleriniń aylıq miynet haqısı 30 procentke shekem kóbeytilip, jumıs nátiyjeliligine qaray differenciyalastırıǵan xoshametlew jáne ústeme engizilgeni de bul jolda áhmietli qádem bolǵanın atap ótiw zárúr.