Milliy ekonomikanı reformalaw boyınsha sırtqı sawda, salıq hám finans siyasatın liberallastırıw, isbilermenlikti qollap-quwatlaw hám jeke menshik qol qatılmaslıǵın kepillew, awıl xojalıǵı ónimlerin tereń qayta islewdi shólkemlestiriw hám de aymaqlardı jedel rawajlandırıwdı támiyinlew boyınsha tásirli sharalar kórildi.

Puqaralardıń social qorǵalıwın kúsheytiw hám jarlılıqtı kemeytiw mámleket siyasatınıń ústin turatuǵın baǵdarı retinde belgilenip, xalıqtı jańa jumıs orınların hám kepillengen dáramat dáregi, maman medicinalıq hám bilimlendiriw xızmetlerin, múnásip jasaw sharayatları menen támiyinlew sapa tárepinen jańa basqıshqa kóterildi.

2022-jılı máhálleler infrastrukturasın jaqsılaw, xalıqtı uzaq jıllar qıynap kelgen máselelerdi sheshiwge byudjetten 8 trillion sum qaratıldı. «Baslamalı byudjet» sheńberinde 8 millionǵa shamalas xalıqtıń usınıslarınan kelip shıǵıp, mákanlardaǵı joybarlarǵa 2,5 trillion sum ajıratıldı. Onda aymaqlardıń qosımsha ekonomikalıq imkaniyatlarınan qáliplesken 16,5 trillion sum da aymaqlar infrastrukturasın jaqsılawǵa qaratıldı.