Ózbekstan Respublikası Prezidentiniń 2024-jıl 30-avgusttaǵı "Ózbekstan Respublikasında 2024-2030-jıllarda mámleketlik-jeke menshik sheriklikti rawajlandırıw ilajları haqqında"ǵı PQ-308-sanlı qararı menen Ózbekstan Respublikası Ekonomika hám qarjı ministrligi strukturasında "Mámleketlik-jeke menshik sheriklik joybarları orayı" joybarlaw ofisi shólkemlestirilgen, sonıń ishinde, oǵan Mámleketlik-jeke menshik sheriklik qorına kelip túsken qarjılardı nátiyjeli basqarıw wazıypaları júklengen.

Ózbekstan sırt el investiciyaların tartıw, infrastrukturanı modernizaciyalaw hám mámleketlik xızmetlerdi kórsetiwdi jaqsılaw boyınsha keńirek strategiya sheńberinde mámleketlik-jeke menshik sheriklik (MJSh) joybarların ámelge asırmaqta. 2019-jılı "Mámleketlik-jeke menshik sheriklik haqqında"ǵı nızam qabıl etilgeninen berli shólkem energetika, densawlıqtı saqlaw, bilimlendiriw, transport hám basqa da tarawlarda túrli mámleketlik menshik sheriklik joybarların islep shıqpaqta.

MJSh joybarları Aziya rawajlanıw banki, Evropa Tikleniw hám Rawajlanıw banki, Xalıq aralıq finans korporaciyası, Islam rawajlanıw banki hám Dúnya banki sıyaqlı Xalıq aralıq finans institutları menen birge islesedi. MJSh joybarlarınıń maqseti - joybarlardıń sapasın hám tartımlılıǵın arttırıw, turaqlılıǵın támiyinlew, sonday-aq, olardı nátiyjeli hám ekonomikalıq tárizde ámelge asırıw bolıp tabıladı. Qosımsha maǵlıwmatlardı bul silteme arqalı alıwıńız múmkin.

Mámleketlik-jeke menshik sheriklik joybarların ámelge asırıw tártibi Ministrler Kabinetiniń 2024-jıl 30-oktyabrdegi 720-sanlı qararına muwapıq tártipte ámelge asırıladı. Sonday-aq, rejede Mámleketlik-jeke menshik sheriklik joybarların qarjılandırıw tártibi de kórsetilgen.

MJSh haqqında kóbirek maǵlıwmat alıw ushın soraw jollawıńız múmkin.

2025-jıldıń 21-aprel kúni "2025-jıl ushın menshiklestiriw baǵdarlaması haqqında"ǵı Prezident Pármanı qabıl etildi.