Ózbekstan Oraylıq Aziyada jaylasqan bolıp, aymaqtaǵı basqa mámleketler arasında júdá qolaylı tábiyiy-geografiyalıq sharayatlarǵa iye. Mámleket aymaǵı ózine tán pás-tegislik hám taw relefin óz ishine aladı.

Ózbekstan aymaǵınıń úlken bólimin (4/5 bólimi átirapında) pás-tegislikler quraydı. Solardan eń tiykarǵısı Turan pás tegisligi bolıp tabıladı.

Mámlekettiń shıǵısı hám arqa shıǵısında Tyan-Shan hám Pamir taw’’ (mámlekettiń eń joqarı noqatı (4643m) dizbekleri jaylasqan. Θzbekstan aymaǵınıń orayında dúnyanıń payansız shóllleriniń biri — Qızılqum dastanıp jatır.

Respublika aymaǵınıń 1/5 bólimin taw hám taw aldı aymaqları quraydı. Shıǵıs aymaǵı orta hám biyik tawlı releften ibarat. Mámleket aymaǵı Batıs Tyan-Shan (Ugam, Pskem, Shatqal hám Qurama taw dizbegi) hám Pamir-Alay (Zarafshan, Túrkistan, Gisar, Qoshitantaw’’ hám Baysın taw dizbegi) taw dizbekleri janbawırları óz ishine aladı. Qubladan batıs tárepke olar qıyalap baradı hám pás-tegislikke qosılıp ketedi. Usı tawlar arasında úlken Qashqadárya, Surxandárya, Zarafshan hám Samarqand tegislikleri dastanıp jatadı. Bulardıń eń úlkeni esaplanǵan Ferǵana oypatı -uzınlıǵı 370 km, keńligi 190 km ge jetedi. Ol úsh tárepten biyik taw menen qorshalǵan tek ǵana batıs tárepi tegislik bolıp tabıladı. Awǵanstan menen shegara aymaqta Ámiwdárya deltası jayılıp jatır.