Mámleketlik gerbi Ózbekstan Respublikasınıń 1992jıl 2 iyuldegi 616-XII-sanlı «Ózbekstan Respublikası mámleketlik gerbi haqqında»ǵı Nızamı menen tastıyıqlanǵan.

Ózbekstan Respublikası mámleketlik gerbi tómendegidey kóriniske iye: tawlar, dáryalar hám shep tárepi biyday masaqlarınan, oń tárepi bolsa shanaqları ashılǵan ǵawasha shaqalarınan ibarat sheńberge oralǵan gúllegen oypat boylap quyash nurların shashıp turadı. Gerbtiń joqarǵı bóliminde Respublikanıń húr ekenliginiń belgisi retinde segizmúeshlik súwretlengen bolıp, onıń ishki bóliminde yarım ay hám judız súwretlengen. Gerbtiń orayında baxıt hám erkinlikti súyiwshi belgi —qanatların jayǵan Qumay qusı súwretlengen. Gerbtiń tómengi bóliminde Ózbekstan Respublikasınıń mámleketlik bayraǵın sáwlelendiriwshi sheńber lentasınıń bántinde «Ózbekstan» dep jazılǵan.

Ózbekstan Respublikası mámleketlik gerbiniń reńli kórinisinde: Qumay qusı hám dáryalar — gúmis reńde; quyash, masaqlar, paxta xanaları hám «Ózbekstan» jazıwı — altın reńde; ǵawasha shaqaları hám japıraqları, tawlar hám oypat — jasıl reńde; xanalardaǵı paxta —aq reńde; lenta — Ózbekstan Respublikası Mámleketlik bayraǵınıń reńlerin sáwlelendiriwshi úsh reńde; segizmúeshlik — altın menen oyılǵan halda hawa reńde; yarım ay hám juldızlar —aq reńde súwretlengen.

Ózbekstan Respublikası Mámleketlik bayraǵı Ózbekstan Respublikasınıń 1991 jıl 18 noyabrdegi 407-XII-sanlı «Ózbekstan Respublikası Mámleketlik bayraǵı haqqında»ǵı Nızamı menen tastıyıqlanǵan.

Ózbekstan Respublikası Mámleketlik bayraǵı Ózbekstan Respublikası mámleketlik suverenitetiniń belgisi bolıp tabıladı.

Ózbekstan Respublikası Mámleketlik bayraǵı xalıq aralıq qatnasıqlarda Ózbekstan Respublikasınıń tımsalı esaplanadı.

Ózbekstan Respublikasınıń Mámleketlik bayraǵı — bayraqtıń pútin uzınlıǵı boylap ótken taw sarǵısh reń, aq reń hám toyǵın jasıl reńli úsh enine tartılǵan tuwrı tórtmúeshlik formasındaǵı gezleme bolıp tabıladı.

Ózbekstan Respublikası Mámleketlik gimniniń teksti hám muzıkası Ózbekstan Respublikasınıń 1992jıl 10 dekabrdegi 768-XII-sanlı «Ózbekstan Respublikasınıń Mámleketlik Gimni haqqında»ǵı Nızamı menen tastıyıqlanǵan. 

Ózbekstan Respublikasınıń Mámleketlik Gimni Ózbekstan Respublikasınıń Mámleketlik suverenitetiniń belgisi bolıp tabıladı.

Ózbekstan Respublikasınıń Mámleketlik Gimnine zor húrmet penen qaraw Ózbekstan Respublikasınıń hár bir puqarasınıń watan súyiwshilik wazıypası bolıp tabıladı.

Mutal Burxanov muzıkası

Abdulla Aripov sózi

 

 

 

Серқуёш ҳур ўлкам, элга бахт, нажот,
Сен ўзинг дўстларга йўлдош, меҳрибон!
Яшнагай то абад илму фан, ижод,
Шуҳратинг порласин токи бор жаҳон!

Нақорат

Олтин бу водийлар - жон Ўзбекистон,
Аждодлар мардона руҳи сенга ёр!
Улуғ халқ қудрати жўш урган замон,
Оламни маҳлиё айлаган диёр!

Бағри кенг ўзбекнинг ўчмас иймони,
Эркин, ёш авлодлар сенга зўр қанот!
Истиқлол машъали тинчлик посбони,
Хақсевар, она юрт, мангу бўл обод!

Нақорат

Олтин бу водийлар - жон Ўзбекистон,
Аждодлар мардона руҳи сенга ёр!
Улуғ халқ қудрати жўш урган замон,
Оламни маҳлиё айлаган диёр!