Ózbekstan Respublikası Ámiwdárya hám Sırdárya aralıǵında jaylasqan bolıp, ulıwma maydanı 448,9 mıń km.kv.tı quraydı. Respublika aymaǵı shıǵıstan batısqa shekem 1 425 km di, arqadan qublaǵa shekem bolsa 930 km di quraydı.

Respublika arkasında hám arqa-shıǵısında Kazaqstan, shıǵısta hám qubla-shıǵısta Qırǵızstan hám Tájikstan, batısta Túrkmenstan, qublada bolsa Awǵanstan menen shegara bolıp tabıladı. Mámleketlik shegarasınıń Awǵanstan menen uzınlıǵı — 143 km, Kazaqstan — 2356,31 km., Qırǵızstan — 1476,12 km., Tájikstan — 1283,2 km. hám Túrkmenstan menen — 1831,49 km di quraydı.