Инвестициялар, саноат ва савдо

Мамлакат иқтисодиёти ва аҳоли бандлигида саноат жуда катта ўрин тутади.

Миллий статистика қўмитасининг дастлабки маълумотларига кўра, 2026 йил 1 апрель ҳолатига республикада 61 мингдан ортиқ саноат корхоналари фаолият юритган.

2026 йилнинг январь-март ойларида республика корхоналари томонидан 289 254,4 млрд сўмлик саноат маҳсулотлари ишлаб чиқарилиб, саноат ишлаб чиқариш индекси ўтган йилнинг мос даврига нисбатан 108,0% ни ташкил этди.

2026 йил 1 апрель ҳолатига кўра, республика бўйича хорижий капитал иштирокида фаолият кўрсатаётган корхоналар сони 19 072 тани ташкил этди. Шундан қўшма корхоналар – 4 392 та, хорижий корхоналар – 14 680 тани ташкил этади.

2026 йилнинг январь-март ойларида республиканинг ташқи савдо айланмаси 18 023,0 млн. АҚШ долларига тенг бўлиб, ўтган йилнинг мос даврига нисбатан 471,0 млн. АҚШ долларига ёки 2,7% га ўсди.

Экспорт 5 809,2 млн. АҚШ долларини ташкил этди ва ўтган йилнинг мос даврига нисбатан 29,3% га камайди.

Импорт 12 213,8 млн. АҚШ долларини ташкил этди ва ўтган йилнинг мос даврига нисбатан 30,8% га ўсди.

Ўзбекистон Республикаси жаҳоннинг 210 мамлакати билан савдо алоқаларини амалга оширади. 

2025 йилнинг 21-апрель куни “2025 йил учун хусусийлаштириш дастури тўғрисида”ги Президент Фармони қабул қилинди. Фармонига кўра, қуйидагилар 2025 йилда хусусийлаштиришнинг асосий мақсадли кўрсаткичлари этиб белгиланди:
(а) 30 триллион сўмлик давлат активлари ва ер участкаларини сотиш ва камида 10 триллион сўм тушумни таъминлаш;
(б) давлат ва давлат иштирокидаги корхоналарга тегишли 115 та жамият устав капиталидаги улушларни, 659 та кўчмас мулк объектини ва 6,1 минг гектар ер участкаларини савдога чиқариш;
(в) дастлабки босқичда камида 30 та фойдали қазилма кон ва участкаларидан фойдаланиш ҳуқуқини савдога чиқариш.